Созмони ҷавонон

Донишгоҳи давлатии Данғара дорои 5 бинои таълимӣ, 1 варзишгоҳ, 1 майдончаи варзишӣ, 2 бинои хобгоҳ, китобхона, ошхона, 2 толори лексионӣ, 1 толори фарҳангӣ дорои 500 ҷои нишаст ва 1 маҷлисгоҳ мебошад. Дар Донишгоҳи давлатии Данғара 5 факултет, 19 кафедра аз рӯи 54 ихтисос фаъолият менамояд, ки 2410 нафар донишҷӯёнро дар бар мегирад. инчунин дар донишгоҳ 56 курсҳои кутоҳмуддати сертификатсионӣ ташкил карда шудааст. Шуъбаи кор бо ҷавонони ДДД аз рӯзи таъсисёбиаш шурӯъ аз моҳи январи соли ҷорӣ вобаста ба эълон гардидани соли 2017, ҳамчун соли ҷавонон дар асоси нақшачорабиниҳое, ки аз ҷониби Вазорати маориф ва илми Ҷумҳурии Тоҷикистон дар якҷоягӣ бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон тасдиқшудааст, корҳоро ба роҳ мондааст. Шуруъ аз моҳи январ бо ибтикори шуъбаи кор бо ҷавонон, баррасии Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ, бо иштироки зиёда аз 400 нафар донишҷӯёни фаъол баргузор гардид, ки ин ҳам ифтихори ҷавонони ДДД аз дастгирии пайвастаи роҳбарияти давлату ҳукумат, хоса Сарвари давлатамон мебошад. Ҷавонон неруи созанда ва кувваи пешбарандаи ҷомеа ба шумор мераванд, зери ин шиор дар доираи иҷрои нақша-чорабиниҳо роҳбарияти шуъбаи кор бо ҷавонон, пайваста вохуриву мулоқотҳоро бо донишҷӯён доир менамоянд. Мо ҷавонон ҳамеша дастгири сиёсади пешгирифтаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар ҳама самтҳои фаъолияти ҷамъиятӣ ба хусус самти кор бо ҷавонон ҳастем ва кушиш менамоем, ки пайрави мактаби муваффақият ва сулҳпарваронаи Пешвои миллат муҳтарам Эмомали Раҳмон бошем. Имсол вобаста ба эълон гардидани соли ҷавонон, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон гузаронидани 140 чорабиниҳои сатҳи ҷумҳуриявиро ба зимма дорад, ки баргузории 51 номгуи чорабиниҳои зикр гардида, ба донишгоҳу донишкадаҳои олии касбӣ дахл дорад. Дар баргузории ҷорабиниҳои фарҳангиву илмӣ ва варзишӣ ҷавонони мо бояд фаъол бошанд. Чуноне, ки дар Паёми имсолаи Сарвари давлат вобаста ба рушди малакаи ҷавонон, ихтироот ва навоварӣ қайд гардид, бинобар ин дар ҳамаи факултетҳои ДДД донишҷӯёни ихтироъкор, фаъол ва қобилияти навоваридошта ба қайд гирифта мешаванд. Ҷавонон қишри фаъоли ҷомеа шинохта шудаанд ва зиёда аз 70%-и аҳолии Ҷумҳурии Тоҷикистонро ташкил медиҳанд. Бинобар ин типқи нақшаи чорабиниҳои Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон дар мувофиқа бо Вазорати маориф ва илми Ҷумҳурии Тоҷикистон дар амал татбиқ намудани як қатор чорабиниҳои сатҳи ҷумҳуриявӣ аз ҷониби ин қишри ҷомеа ҳатми мебошад ва мо низ дар робита бо ин масъала фаъолнокии худамонро нишон медихем ва дар ҳамаи чорабиниҳои фарҳангӣ, илмӣ, экологӣ ва ҷамъияти пешсафиро ихтиёр менамоем. Ҷавонон нерӯи бузургӣ пешбаранда, бунёдкунанда ва ояндаи давлату миллати тоҷик мебошанд, қайд гардид дар суханронии Пешвои миллат муҳтарам Эмомалӣ Раҳмон. Мо ҷавонон дар ҷавоб ба боварию эътимоди сарвари давлат кушиш ба харҷ медиҳем, ки дар ҷоддаҳои интихоб намудаамон баҳри пешрафту шукуфоии кишвари азизу маҳбубамон, тамоми кушишу ғйрати худро ба харҷ диҳем. Дар Паёми навбатии Президенти кишварамон махсусан таъкид гардид, ки “Ҷавонони кишвар дар раванди ҷаҳонишавӣ ва рушди неруи зеҳнӣ омода карда шаванд то ба бозорҳои дохилии меҳнат ва ҷаҳонӣ, роҳ ёфта тавонанд”. Дар ин радиф чавонони ДДД кушиш намоянд то ки вақтро пурсамар истифода намуда ба маҳфилҳои рушди зеҳнӣ рӯ оварда донишу малакаи худашонро қавӣ гардонанд. Ҳар як донишҷӯи ДДД бояд ифтихор аз он намояд, ки дар донишгоҳи байналмилалӣ таҳсил мекунанд. Бо дарки масъулият ба қадру қиммати ғамхориҳои давлату ҳукумати кишвар ҷиҳати дар сатҳи баланд ба роҳ мондани таълиму тарбия, инчунин фароҳам овардани шароитҳои будубоши донишҷӯён дар хобгоҳ ва имкониятҳои фароҳам барои дар вақтҳои холигӣ машғул шудан ба обутоби бадан чи дар варзишгоҳи донишгоҳ, ва чи дар Қасри варзишии шаҳраки Данғара расанд. Инчуни барои муваффақ шудан дар ин самт ҷидду ҷаҳд намоянд. 

Дӯст машмор, он ки дар неъмат занад.
Лофи ёриву бародархондагӣ.
Дӯст он бошад, ки гирад дасти дӯст.
Дар парешонҳолию дар мондагӣ.

Зери ин мисраҳои шеърӣ оид ба эҳтироми ҳамдигарии донишҷӯён дар давоми таҳсил ва зисту зиндагони дар хобгоҳ, зимни вохурии мудири шуъбаи кор бо ҷавонони ДДД қайд карда шудааст, ки донишҷӯён бояд ба қадру қиммати якдигар бирасанд ва кушиш намоянд то баъд аз хатми донишгоҳ дар зарфи солиёни зиёд амалҳои некашон нисбати ҳамдигарӣ боис гардад, ки ташнаи дидори ҳамдигар бошанд. Бо мақсади ҷалб намудани диққати донишҷӯён дар хобгоҳ ва роҳ надодан ба ҳар гуна корҳои беҳуда, бозии шоҳмот ташкил карда мешавад, ки байни ошёнаҳои бинои хобгоҳи писарон баргузор карда мешавад. Як гурӯҳи донишҷуёни ДДД бо дарки масъулият баҳри саҳмгузори дар рушду нумуи мамлакат бо хоҳиши худашон мехоҳанд ба ҲХДТ шомил гарданд. Дар вохури бо ҷавонон доир ба ин масъала роҳбарияти шуъбаи кор бо ҷавонон таъкит намудааст, ки Ҳизби халқии Демократии Тоҷикистон яке аз Ҳизбҳои сиёсии муваффақ дар кишвар ба шумор меравад, ки Ҷумҳурии Тоҷикистонро дар шароити ногувори сиёсӣ ва бӯҳронҳои иқтисодиву молиявӣ намояндагӣ ва баҳри бартараф намудани мушкилотҳои рӯзмараи мардуми шарифи кишвар, зери роҳбарии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, мухтарам Эмомалӣ Раҳмон тавонист саҳми назарраси худро гузорад ва инчунин кишвари оғушта дар хоку хунро ба яке аз кишварҳои мутамаддин дар минтақа табдил диҳад. Мо ҷавонон ифтихор аз он менамоем, ки аъзои комилҳуқуқи ҲХДТ ҳастем ва пайрави сиёсати хирадмандона, сулҳҷӯёна, раъиятпарварона ва дурбинонаи Пешвои миллатамон муҳтарам Эмомалӣ Раҳмон ҳастем.