Дави миллӣ дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола якшанбеи сеюми моҳи май дар ҷумҳурӣ гузаронида мешавад.
19 майи соли 2024 дар ноҳияи Данғара "Дави миллӣ" ба масофаҳои 3 км ва 5 км ва марафони "Велосипедронӣ" бахшида ба Рӯзи ҷавонони Тоҷикистон баргузор шуд.
Дар чорабинии мазкур зиёда аз 1000 нафар кормандону донишҷӯёни Донишгоҳи давлатии Данғара бо роҳбарии ректори донишгоҳ, доктори илмҳои иқтисодӣ, профессор Хайрзода Шукрулло Қурбоналӣ фаъолона иштирок намуданд.
Мақсад аз баргузории чорабинии мазкур - таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ мебошад.